محاورة خالد بن سعد وثامر بن محمد

محاورة خالد بن سعد وثامر بن محمد

الاخ الشاعر خالد بن سعد المالكي لا يغيب عنه الشعر والشعراء في جلساته مع الاصدقاء وممن يقومون بزيارته في منزله العامر حصلنا على هذه المحاوره وكانت مع الشاعر ثامر بن محمد 
البدع // ثامر بن محمد
***
على ذكر الرجال اللي من الطيبه لها عنوان
وعلى ذكر الرجال اللي تنومسنا طواريها
لفيت اكتب حروف المدح واحيي ليلة القيفان
على مدحك ( يا عم خالد) أرتبها واغنيها
***
الرد// خالد بن سعد
***
هلا يامرحبا باللي لواكتب وصفه بديوان
تطيب لكاتب السيره وتشرح صدر قاريها
كرام بالوفاء للأصدقاء ولجملة الضيفان
ولجل الطيب وعلوم الوفاء روحه معنيها
***
البدع // ثامر بن محمد
***
دروب المرجله قالت انا وانته غدينا اخوان
وخوة مثلك من الناس والله نفتخر فيها
تكفينا مسيرتكم غدت للمرجله عنوان
مسيرة شيخ نكتبها بحاضرها وماضيها
***
الرد// خالد بن سعد
***
وبيت العز شامخ ماربى فاجر ولاخوان
الى شاف المياه الراكده ماينتزي فيها
ومسيرتنا تعلمنا مباديها من الشيبان
وابو عساف راعيها وحاكمها وقاضيها
***
البدع // ثامر بن محمد
***
اقوله بإسم ابوعساف واخواني بصدق لسان
سباع الكون لاثارت علينا مانخليها
سفينتنا لها ياسيدي طبع الكرم ربان
وعلى بحر الشهامه واضحه داخل شواطيها
***
الرد// خالد بن سعد
***
يعيش الي مربيكم ع منهج تقى وإحسان
وجوده بيننا نور الحياه دائم محليها
ولا ننس كريم النفس بالاسره ابوحسان
دروب المرجله ماغرته يعرف مواطيها
***
البدع // ثامر بن محمد
***
رسمنا للفخر صوره وسيرتنا مطر هتان
تجف الارض وسيرتنا فعولالخير ترويها
وانا ماقول غير الله يديم الود والعرفان
ودروب المرجله تبقى تسايرنا خطاويها
***
الرد// خالد بن سعد
***
صدقت ولا ربى مابيننا فاجر ولا فتان
على وضح النقى العربان بالامجاد ترويها
عن الي حي والي ودع ولفوه بالأكفان
كسبتوها بفطره ماقعدتوا في حراويها

Facebook Twitter Google+ Pinterest Reddit StumbleUpon Linkedin Tumblr Google Bookmarks Email

عدد المقيّمين 0 وإجمالي التقييمات 0

1 2 3 4 5

أضف تعليقك على الموضوع

code
||