من اجمل محاورات عيظه بن طوير ومحمد بن حوقان

من اجمل محاورات عيظه بن طوير ومحمد بن حوقان


البدع // عيظه بن طوير
***
سلام يالربع الذي يــعرفون الموجبات
لكم مواقف شرفــتنا وماقفكم شـريف
ومدحكم في كل تاريخ نرفع مسـتواه
القا صدورا عندكم واسعه ولقى دسم
وأهل الخساير ماتـداري على ميلانها
***
الرد// محمد حوقان
***
ياعيظه قدامك بحورا عليها الموج بات
إن كنت متعود علىباديه ونشاش ريف
لا تحتقر بالموج حتى وتعرف مستواه
اللي يقود الشهد في منحله مـــاقد سم
ولاحسب عـــوج الخــلايا ولا ميلانـها
***
البدع // عيظه بن طوير
***
بغيت اساهم بالملايين وأعد الميات
وفتح متاجر للعمل في بلاد ابني عفيف
اربهم ياجون وقت البراد أهل السراه
من بعد كانت عملتي نادره في سوق أضم
لكن دكتور المجمع قفل دكانها
***
الرد// محمد حوقان
***
أن كان ودك تشرع البحر وتعدل ميات
خلك على وضح النقى وترك المبني عفيف
الليل ياعيظه ترى مالها إلى من سراه
ولي على روس الشماريخ وعلى أسوق أضم
بنيت له قلعه وصمم على دكانها
***
البدع // عيظه بن طوير
***
يقول إبـن منصور مكثر هروج الليلفات
خلوني أهل اللفلفه والكذاب أعمى كفيف
وأنا من أول منصبي رافعا وحمي حماه
لكن جدراً مارسى له قـــواعد ينــــهدم
وغرستا ماتشرب الماء تشين أغصانها
***
الرد// محمد حوقان
***
ياعيظه الليله ورد لا تـقول اللـــيل فات
لا تلبس إلا ملبس الجوخ والثوب الكفيف
والجمر إلى شفته حمي لا تـنزى في حماه
والصدق يلقى له جنوبا تطــيب أو ينهدم
والكذب يبـــغي له قلوبا تشينغ صـــانها
***
البدع // عيظه بن طوير
***
بغيت أطفي شعلت النار وستر شمات
لكن ضاعت حجتي ولتقى قيفا لقيف
ومسيت جالس في محلي وكني في هواه
رمى بها الرامي ودارت على ميت قدم
وجابها حضي وقرت على ميزانها
***
الرد// محمد حوقان
***
نقالت البلجيك حطوا لها ست إرشمات
واهل المثايل والمعارف بنوا قيفا لقيف
لكن أشوف البعض باقي يدرج في هواه
لاتذكر الفات ترى الموت والفايت قدم
لو نرفع النظره لبيشه ولا ميزانها
***
البدع // عيظه بن طوير
***
ياصحابنا وش عاد أسوي لراع المخطيات
يتهدد العالم ويحـــمل بشبريه وسيف
الله ويعلم عن مضامير قلبه وش نواه
وأنا أدري إن أجسامنا كلها لحما ودم
وحـــــفرة الحيات ما ضيعت حنشانها
***
الرد// محمد حوقان
***
الدرب قدامك سمح والخطاوي مخطيات
وباثره ماربي أعـــطا لــها بحرا وسيف
يرزم عليها راعد الصــيف ويغبش نواه
وأنا لو اتــوجد على الناس بكفاف الندم
الليــل وارد والمـــثايل تلا حـــن شانها

Facebook Twitter Google+ Pinterest Reddit StumbleUpon Linkedin Tumblr Google Bookmarks Email

عدد المقيّمين 1 وإجمالي التقييمات 2

1 2 3 4 5

أضف تعليقك على الموضوع

code
||