راس مالي رضى نفسـي وتقواهـا

راس مالي رضى نفسـي وتقواهـا


مـن لعيـنٍ نجـوم اللـيـل تكـلا‌هـا
ساهـره يـوم كـلٍ حولـهـا غـافـي

من همـومٍ علـى الخـلا‌ق مشكاهـا
ومن نشد قلت أنا طيـب ومتعافـي

راس مالي رضى نفسـي وتقواهـا
وإن طلبت اطلب الله ستره الضافي

عالـم بـروح عـبـدٍ بــث شكـواهـا
في دجى الليله اللي نورها طافـي

مخفيٍ حاجته في الصـدر ماابداهـا
غيـر للواحـد اللـي عالـم الخافـي

يالله اطلبـك تحيـي الـروح بمناهـا
مثل ماتحيي ارضٍ عقـب الا‌تلافـي

جالهـا القيـض والسافـي تقفّـاهـا
ولا‌بقي شي عقب القيض والسافي

ثم سقت المزون اللي إنتثـر ماهـا
من عطاك الجزيـل ومـدّك الوافـي

علها الغيـث بعـد المـوت واحياهـا
فـي بدايـة ربيـع وجوّهـا صـافـي

وإكتسـت بالحيـا يـوم الله أعطاهـا
وإختلط نبتهـا مـن كـل ا?‌صنافـي

وإشتبـك فــوق تربتـهـا وغطـاهـا
من بديع الزهور وزيـن الاوصافـي

راحـت أنعـم مـن الديبـاج لوجاهـا
ترف الا‌قدام يمشي والقدم حافـي

ليـن الاقـدام تبـرد عنـد ماطـاهـا
يـوم يبتـلّ منهـا بطـن الاخفـافـي

ذكـريــاتٍ جمـيـلـه مانسـيـنـاهـا
منية الشاعـر اللـي يبـدع القافـي

يـوم ا?‌يـام صفيـت لـه وصافـاهـا
قبل جفـوة زمانـه والزمـن جافـي

الله أكبـر علـى الدنيـا وجفـواهـا
كيف تبدي الجفا مـن كـل ميلافـي

يـوم تطـري علـيّ سنيـن عشناهـا
كنهـا حلـم لـيـل ومـرقـدٍ دافــي

مــرت عـلـوم لــو إنــا حكينـاهـا
عنـد مـرتـاح لاجــرّب ولاشـافـي

مايـصـدق صحـيـح إنــا لحقنـاهـا
كنها من قصص ماضيـن الا‌سلا‌فـي

وجاتنـا الـيـوم دنـيـاً ماعرفنـاهـا
ترخي اللي رفيـع وترفـع الهافـي

وللقـيـامـه عـلا‌مــاتً وجـدنـاهـا
أصبحـت واضحـه بالعيـن تنشافـي

فـي طـوال البيـوت اللـي بنيناهـا
عقـب كنـا بـدون فـراش ولحافـي

مكـثـر بيـوتـنـا لـكــن قفلـنـاهـا
مابهـا حلّـةٍ يلـفـي لـهـا الـلا‌فـي

ضِيفـة الطرقـي الجايـع فقدنـاهـا
والمواجيب راحـت ديـن واسلا‌فـي

وبهرتـنـا الحـضـاره وإقتحمـنـاهـا
والغشيم إمتطاهـا خلـف وخلافـي

والـحـضـاره نـدوّرهــا ونبـغـاهـا
مير أخذها بعضنا جهـل وإسرافـي

كلـمـا جــات بـدعـايـه قبلـنـاهـا
كيـف نجهـل وفينـا نـاس عـرافـي

جـاتـنـا بالـحـداثـه وإستلمـنـاهـا
ووصلـت العولمـه حتـى الاريافـي

خـابـت العولـمـه والـلـي تبنـاهـا
دعـوةٍ مـاوراهـا حــق وإنصـافـي

والله مـانـي مصدقـهـا بدعـواهـا
لـو تقـدم لـهـا تسعـيـن حـلا‌فـي

راس مالي رضى نفسـي وتقواهـا
وإن طلبت أطلب الله ستره الضافي


Facebook Twitter Google+ Pinterest Reddit StumbleUpon Linkedin Tumblr Google Bookmarks Email

عدد المقيّمين 0 وإجمالي التقييمات 0

1 2 3 4 5

أضف تعليقك على الموضوع

code
||